Deputeti i Lëvizjes Vetëvendosje, Eman Rrahmani, gjatë diskutimit në seancën plenare është shprehur pro votimit të tërheqjes 30% të mjeteve nga Fondet Pensionale, raporton InLajmi.
Ndonëse deklaroi votën pro Trustit, Rrahmani pati edhe një kusht, atë të rimbursimit të 30% nga ana e shtetit në një periudhë prej 10 viteve.
Rrahmani ndërkohë theksoi se do ta prezantojë edhe një amandament në të cilin do të përfshihej kushti i tij për rikthimin e mjeteve të tërhequra te kontributdhënësit.
“Sot kjo iniciativë është më ndryshe por mendoj se nuk është e duhura. Mendoj se mund të gjejmë një zgjidhje dhe të largohemi pak nga kjo retorikë. Janë disa mënyra të cilat e kanë rregullu çështjen e rimbursimit të mjeteve në Trust dhe mendoj se mund të gjejmë një zgjidhje të përshtatshme edhe për kontributdhënësit, edhe për neve”, u shpreh Rrahmani.
Deputeti Rrahmani, gjithashtu propozoi edhe 2 raste kur mund të tërhiqen mjetet e trustit nga qytetarët e që sipas tij në rastin për trajtime shëndetësore edhe në rastin e tejkalimit të vështirësive ekonomike./InLajmi/
