Të martën ka ndërruar jetë Edi Shukriu e cila ishte akademike e njohur kosovare njëkohësisht edhe ish-kryetare e Forumit të Gruas së Lidhjes Demokratike të Kosovës gjatë viteve 1995-2000, përcjell InLajmi.
Ndërsa këtë të mërkurë kreu i LDK-se, Lumir Abdixhiku bëri homazhe tek arkivoli i akademikes.
Sipas zyrtarëve të kësaj partie Shukriu la pas vetës lë zbrastësi të madhe jo vetëm për familjen, por për gjithë miqtë dhe vendin tonë.
Njoftimi i plotë i LDK-së:
Kryetari i Lidhjes Demokratike të Kosovës, Lumir Abdixhiku me bashkëpunëtorë bëri homazhe dhe nderoi jetën e Akademike, Edi Shukriu.
Edi Shukriu, profesoreshë, arkeologe, aktiviste e ish-kryetare e Forumit të Gruas së Lidhjes Demokratike të Kosovës gjatë viteve 1995-2000, ishte personalitet që i takon plejadës së intelektualeve të viteve 90-të. Pas vetes la një thesar të jashtëzakonshëm në fushën e akademisë, arkeologjisë dhe politikës, thesar ky që do të shërbejë për dekada me radhë. Ajo dha kontribut të çmuar në edukimin, avancimin dhe arsimimin e shumë brezave në Universitetin e Prishtinës dhe jashtë tij. Ikja e saj në përjetësi lë zbrastësi të madhe jo vetëm për familjen, por për gjithë miqtë dhe vendin tonë. Ajo do të kujtohet përherë si grua e vendosur me parime e virtyte të larta njerëzore.
U prehtë në paqe, Akademike Edi Shukriu! /InLajmi/
