Zëdhënës i Qeverisë së Kosovës, Përparim Kryezi, ka reaguar ndaj kritikave të ish-kryeministrit Avdullah Hoti kundrejt qasjes së kryeministrit Albin Kurti për të qeverisur me vendin, përcjell InLajmi.
Ai derisa iu është kundërvën, deputetit të LDK-së, ka pyetur se me çfarë nuk qenka i kënaqur Hoti, derisa ka paraqitur disa pika që Hoti mund të mos jetë pajtuar.
Ndër to, zëdhënësi i Qeverisë Kurti, sikur i kërkon Hotit të tregojë nëse nuk është i kënaqur me pjesëmarrjen e kryeministrit në Forumin Ekonomik në Davos apo me ftesën që ai po u bënë investitorëve të huaj për investime në Kosovë apo me takimin e Kurtit me kryeministren e Finlandës.
Postimi i plotë:
Më çka nuk është i kënaqur deputeti Hoti?
1) Me pjesëmarrjen e Kryeministrit Kurtin në Davos në mesin e shumë liderëve botërorë?
2) Me organizimin e konferencës për investitorë të huaj?
3) Me ftesën që po bën për investime të huaja në vend?
4) Me takimin me kryeministren e Finlandës, vend anëtar ky i BE-së, e cila së fundmi ka aplikuar në NATO, synim ky edhe i joni?
5) Me kërkesën për më shumë siguri për Kosovën përmes më shumë trupave të NATO-s në Kosovë? Siguria e shtuar për Kosovën është siguri edhe për investitorët
6) Me shpërfaqjen e Serbisë para opinionit ndërkombëtar, lidhjeve të saj me Rusinë dhe qëllimeve të përbashkëta për destabilizim të Rajonit?
7) Me faktin që Albin Kurti është kryeministër i Kosovës?/InLajmi/
