Ditën e martë u nda nga jeta akademikja e njohur kosovare, Edi Shukriu, e që në nderim të jetës dhe vepres së saj Kuvendi i Kosovës e ka filluar seancën me një minutë heshtje, raporton InLajmi.
Disa fjalë për të ndjerën i pati kryeparlamentari, Glauk Konjufca i cili tha së arekeologia do mbahet mend gjatë dhe në emër të kuvendit i shprehi ngushëllime familjarëve dhe bashkëpunëtorëve të saj të ngushtë.
“Lajmin e morëm të gjithë me pikëllim. Edi Shukriu ka qenë një intelektuale, akademike, arkeologe e shquar e popullit tonë, po ashtu shkrimtare, profesoreshë, por edhe deputetet e Kuvendit të Republikës së Kosovës, në legjislaturën e parë. Ne në emër të kuvendit i shprehim ngushëllime familjes dhe bashkëpunëtorëve të saj të ngushtë”, ka thënë kryeparlamentari, Glauk Konjufca./InLajmi/
