E hëna e vranet dhe me intervale kohore me diell!

Në Kosovë na pret mot kryesisht i vranët, por me mundësi edhe për intervale kohore të shkurtra me diell në disa rajone. Erërat jugore do të fuqizohen, ndërsa reshjet e shiut do të fillojnë në veriperëndim, perëndim dhe veri të vendit. Në viset tjera riga lokale e në disa rajone shumë pak shi ose hiç fare sidomos në lindje të vendit.

Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot kryesisht i vranët dhe me intervale të shkrutra kohore me diell vetëm në disa vise.

Reshjet e shiut do të fillojnë në Mal të Zi dhe veri të Shqipërisë ku vende-vende priten reshje intensive. Në viset bregdetare rrebeshe lokalisht të fuqishme shiu me vetëtima dhe bubullimë. Në zonat tjera të Shqipërisë riga lokale shiu.

Në Maqedoninë Veriore dhe Kosovën lindore nesër pritet të mbajë mot kryesisht i thatë dhe me shtim të vranësirave. Në mbërmje vonë riga shiu priten në veriperëndim dhe perëndim të Maqedonisë.

Ditëve të ardhshme na pret mot i paqëndrueshëm, me vranësira, ndonjë interval kohor me diell në ndonjë rajon dhe me reshje e rrebeshe të herëpashershme shiu. Në shumë zona të Shqipëris dhe në Dukagjin të Kosovën priten reshje mjaft intensive shiu. Shumë pak reshje fillimisht në juglindje të Kosovës dhe Shqipërisë, por edhe atje priten intervale me reshje të herëpashershme me kalimin e ditëve, shkruan Meteo Ballkan.

Erërat jugore, jugperëndimore e juglindore do të fuqizohen dhe në disa vise pritet të jenë mjaft të fuqishme sidomos në disa zona kodrinore-malore. Temperaturat do të shënojnë rritje për shkak të rrymimeve të fuqishme ajrore nga jugu, gjegjësisht nga Afrika Veriore dhe Mesdheu.