Një person ka humbur jetën sot, si shkak i lëndimeve të marra pasi që ishte hedhur nga Klinika Torakale e QKUK-së.
Lajmi për vdekjen e viktimës është bërë nga Shërbimi Spitalor, Klinik dhe Universitar i Kosovës, të cilët janë shprehur se tashmë i ndjeri nuk kishte mundur t’i përballonte dhimbjeve përkundër masave dhe ndihmës nga stafi i Klinikës emergjente.
Lidhur me rastin lajmi.net ka kontaktuar me drejtorin e Kirurgjisë Torakale, Nazmi Kolgeci.
Kolgeci ka bërë të ditur se viktima është hedhur vetë nga klinika dhe nuk ishte aksidentalisht.
Po ashtu, thekson se ai më herët kishte qenë duke u trajtuar në spital por, një natë më herët ai kishte kërkuar të shkonte në shtëpi.
“Viktima është hedhur vetë, nuk ka qenë aksidentalisht. Ai ka qenë i shtrirë duke u trajtuar, ka qenë në fund të trajtimit. Një natë më herët ka kërkuar të shkonte në shtëpi, është marrë nga familjarët e tij. Në mëngjes ai kishte vizitën në 08:20 dhe pas vizitës është hedhur nga dritarja.”, ka thënë Kolgeci.
Drejtori bërë të ditur se viktima kishte disa sëmundje të rënda, të mushkërive, veshkave dhe zemrës.
