Ka ndërruar jetë Cen Aliçkaj i cili ishte njëri nga luftëtarët e parë të Ushtrisë Çlirimtare të Kosovës, përcjell InLajmi.
Lajmin për vdekjen e tij e bëri të ditur lideri i Aleancës për Ardhmërinë e Kosovës, Ramush Haradinaj.
Haradinaj tha se Aliçkaj ishte njëri prej luftëtarëve më të zotë të UÇK-së në Dukagjin.
Postimi i plotë i tij:
Kur po i formonim rreshtat e parë të UÇK-së, ndër të parët që hyri në rreshtin e ushtarëve ishte edhe Cen Aliçkaj. Ishte luftëtar i fortë, njëri prej luftëtarëve më të zotë të UÇK-së në Dukagjin!
Sot, në paqe, Cena na u nda nga rreshti për t’ju bashkuar shumë burrave të kombit që i kishte përkrah luftës për liri.
Pusho i qetë në tokën për të cilën luftove, Cen! /InLajmi/
