Nga Universiteti “Haxhi Zeka” në Pejë, ambasadori William Walker u nderua me titullin “Doctor Honoris Causa” , raporton InLajmi.
Në këtë ceremoni mori pjesë edhe kryeministri i vendit Albin Kurti i cili e çmoi lartë figurën e ambasadorit.
Kurti u deklarua se Walker do të jetë gjithmonë mik i Kosovës dhe kontributi i tij për popullin tonë do të jetë gjithmonë i patjetërsueshëm,
“Në kohëra të vështira historike, njësoj siç në periudha krizash personale, një mik i mirë mund të jetë shpëtimi i nevojshëm, madje edhe atëherë kur nuk e keni një mik të mirë, janë pikërisht kohërat e vështira që mund ta sjellin një të tillë. Në botën e traditave shqiptare miku i shtëpisë është një figurë tejet e respektuar që nderohet deri në paprekshmëri. Walker është vërtetë një mik i Kosovës. Dua të them që Walker është edhe miku im që nga koha e luftës kur jemi takuar për herë të parë, e deri më sot kur po ritakohemi sërish”, tha Kurti ndër të tjera. /InLajmi/
