Ministri i Mbrojtjes Arbmend Mehaj bëri të ditur se kadetët e FSK-së po sfidohen fizikisht dhe psikikisht për reagim në kushte të motit të ashpër, përcjell InLajmi.
Sipas ministrit kadetët e rinj janë duke zhvilluar bazat e njohurive dhe demonstrimin praktik në lëminë e kërkim- shpëtimit dhe mbijetesës.
Mehaj shtoi se nuk ka sfidë që i ndalë në hapat e çeliktë të FSK-së për të ecë përpara.
Postimi i plotë i tij:
Kadetët tanë të rinj zhvillojnë bazat e njohurive dhe demonstrimin praktik në lëminë e kërkim- shpëtimit dhe mbijetesës.
Në Qendrën tonë Ndërkombëtare të Trajnimit për Kërkim- Shpëtim, kadetët tanë sfidohen fizikisht dhe psikikisht për reagim në kushte të motit të ashpër.
Motivimi i lartë dhe angazhimi vetëmohues janë konfirmim i fuqishëm se oficerët – liderë të ardhshëm janë garanci për Ushtrinë tonë gjithnjë e më të fortë. /InLajmi/
