Naim Ismajli, koordinator për Bujqësi në Kabinetin e Qeverisjes së Mirë të PDK-së, vlerëson se vlera prej 15.000.000 për rezervën shtetërore është e pamjaftueshme.
“Kjo vlerë duhet të rritet, varësisht edhe nga krizat. COVID-19 dhe lufta në Ukrainë kanë qenë mësime shumë të mira që e obligojnë qeverinë të jetë më e kujdesshme”, është shprehur Ismajli.
“Duhet të ketë ligj për rezervën shtetërore dhe të precizohen produktet dhe vlera monetare” tha ai në KlanKosova.
“Rezerva shtetërore e raportuar është pak. Ajo që është spikat nga kjo qeveri është flluskë politike që ka mbet pa buxhet e pa rezervë, por nuk janë të qëndrueshme”, ka shtuar ai derisa është pyetur për atë që është trashëguar nga qeveritë paraprake.
