Inspektori i Përgjithshëm i Bundeswehr-it, gjenerali Eberhard Zorn, u dorëzoi përfaqësuesve të FSK-së, kostumin e parë për mbrojtjen nga bomba, ministrit të Mbrojtjes Mehaj dhe komandantit të FSK-së, gjenerallejtënant Bashkim Jashari, donacion ky nga iniciativa e Qeverisë Federale për konsolidimin e vitit 2021, përcjell InLajmi.
Bundeswehr-i gjerman dhuroi gjithsej 10 nga këto kostume rezistente ndaj bombave, duke përfshirë pajisjet teknike shtesë, për forcat e armatosura kosovare, për një vlerë totale prej rreth 500.000 euro. Kostumet e mbetura të mbrojtjes nga bomba do t’i dorëzohen FSK-së në tremujorin e parë të vitit 2023.
Me këto kostume mbrojtëse nga bomba, forcave të armatosura kosovare iu mundësojnë mbrojtjen nga eksplozivë të rrezikshëm si mina apo mbetje municionesh të pashpërthyera, por edhe bomba apo eksplozivë nga sulmet terroriste, në mënyrë të sigurt dhe të padëmshme.
Deri më tani, forcat kosovare nuk kanë siguruar ende këtë pajisje për të mbrojtur personelin e tyre shumë të specializuar. Në të ardhmen, specialistët e FSK-së do të mund t’i kryejnë detyrat e tyre të rrezikshme në këtë fushë të sigurt me këtë pajisje të dhuruar nga Gjermania./InLajmi/
