Ish-kryeministri i Kosovës, Avdullah Hoti ka përkujtuar gazetarin Enver Maloku në 24 vjetorin e vrasjes së tij, përcjell InLajmi.
Deputeti i LDK-së tha se veprimtaria e bujshme për liri dhe pavarësi e portretizojnë më së miri jetën e Enver Malokut.
Hoti shtoi se vrasja e Malokut është vrasje e fjalës së lirë e tentim për të ndalur rrugën e lirisë dhe pavarësisë.
Postimi i plotë i tij:
Përkujtojmë intelektualin, patriotin, gazetarin dhe bashkëpunëtorin e Presidentit Historik Dr. Ibrahim Rugova, Enver Malokun.
Veprimtaria e tij e bujshme për liri dhe pavarësi e portretizojnë më së miri jetën e Enver Malokut.
Vrasja e tij ishte vrasje e fjalës së lirë e tentim për të ndalur rrugën e lirisë dhe pavarësisë.
Lidhja Demokratike e Kosovës vlerëson shumë kontributin e tij për liri dhe pavarësi.
I përhershëm qoftë kujtimi për jetën dhe veprën e Enver Malokut! /InLajmi/
