Ministri për Komunitete dhe Kthim në Qeverinë e Kosovës, Nenad Rashiq, foli lidhur me tensionimet e fundit në Veri të Mitrovicës.
Ai ka thënë se që nga fillimi i mandati të Qeverisë Kurti 2 ka pasur një tensionim në veri.
Madje, Rashiq vlerësoi se muajve në vijim, mund të ketë ndonjë marrëveshje e cila nuk do jetë përfundimtare.
” Po të kishim analizuar më herët çfarë mund të ndodhë, kjo ndoshta mund të ishte e parashikueshme. Dalja e personave nga institucionet e Kosovës, ka qenë i inkurajuar në një formë ku menjëherë ditëve në vijim, kanë pasur përkrahje financiare sa i përket kompensimit, e të cilin do e humbisnin në atë kohë për shkak të largimit nga vendet e punës. Unë jam njëri nga ata që besojnë se ndoshta do të kemi shansin që diku për disa muaj do të lidhet ndonjë marrëveshje e cila nuk do të jetë përfundimtare, por mund të jetë një nga marrëveshjet përfundimtare”, deklaroi Rashiq.
I pyetur se a mundet përsëri Serbia ta përdorë veriun si skenar për ta zgjatur procesion e dialogut, Rashiq tha se në këtë moment nuk mund të ndodh një gjë e tillë, shkruan TëVë1.
Ndërkaq, sa i përket propozimit franko-gjerman, Rashiq tha se e konsideron si një dokument serioz pasi nuk është shpallur ende.
