Boston reagoi menjëherë, duke dominuar sifdën përballë Mavericks të Luka Doncic ku triumfoi 95-124 duke ja dalë të mbante sllovenin, vetëm 23 pikë për Doncic që është një ndër kandidatët më të fortë për cmimin e MVP, por që këtë herë gaboi shumë në gjuajtje. Celtics i dhanë menjëherë drejtim sfidës që në gjysëm të takimit, kishin një avantazh të konsiderueshëm prej 18 pikësh duke mos e vënë fitoren kurrë në diskutim.
Lideri absolut ishte Jayson Tatum, me shifra të dyfishta në tre aspektet e lojës, 29 pikë, 14 rikuperime dhe 10 asiste për yllin e Boston. Celtics ishin jashtëzakonisht efikasë nga distanca me 14 trepikësha. Vetëm 19 pikë ndërkohë për Jaylen Broën që në këtë sukses ishte “violinë e 2-të”. Celtics me suksesin 124-96 mbeten të parët në Konferencën e Lindjes me një rekord prej 27 fitoresh dhe 12 humbjesh dhe reagojnë si duhet pas 2 humbjeve resht.
DENVER NUGGETS-LOS ANGELES CLIPPERS 122-91
Sfidë pa histori ajo mes Denver Nuggets dhe Los Angeles Clippers, çka reflektohet në fitoren e thellë 122-91 të Denver por edhe statistikat e skuadrës nga Los Angeles ku asnjë nga titullarët nuk spikati me shifra të dyfishta. Përfituan në këtë mënyrë Nuggets që fituan pa shumë probleme. Të zotët e shtëpisë e nisën menjëherë mirë dhe në gjysëm të takimit kishin krijuar një avantazh komod prej plot 34 pikësh, duke patur madje luksin për të hequr pak “këmbën nga gazi” në periodën e katërt ku u lejuan disa pikë më shumë kundërshtarëve. Nuggets çuan plot 7 lojtarë në shifra të dyfishta duke bërë të funksiononte gjithë organika. Jokic u kufizua në vetëm 12 pikë, ndërsa kryepikëshënuesi ishte Jamal Murray me 18 pikë. Një sukses ky që i lejon Denver të vazhdojë garën me Grizzlies në krye të konferencës së Perëndimit, me 25 fitore dhe 13 humbje.
ORLANDO MAGIC-MEMPHIS GRIZZLIES 115-123
Nuk mjaftoi një Banchero në formë për të evituar disfatën e Orlando Magic që u mposhtën 115-113 nga Memphis Grizzlies. Momenti deçiziv erdhi në periodën e dytë kur miqtë siguruan një rezultat të pjesshëm 43-23 që i dha drejtim përfundimisht takimit dhe i hoqi çdo shpresë përmbysjeje Magic që gjithsesi ishin efikasë në gjysmën e 2-të të takimit. Erdhi në këtë mënyrë fitorja e pestë për Grizllies, ndërsa për Orlandon bëhen 4 humbjet në 5 takimet e fundit. Protagonisti absolut i takimit ishten Jaren Jackson Jr, që dominoi poshtë koshit me 10 rikuperime dhe 31 pikë. E Ndihmoi dhe ylli tjetër i Memphis, Ja Morant që shënoi më shumë pikë nga të gjithë, 32.
HOUSTON ROCKETS-UTAH JAZZ 114-131
Utah Jazz morën një super fitore me rezultatin 114-131 në Houston përballë Rockets, në një mbrëmje ku shënoi kulmin e karrierës Lauri Markkanen që realizoi plot 49 pikë duke koleksionuar dhe 8 rikuperime. Jazz që po kalojnë çdo pritshmëri arrijnë kështu në gjysmën e kampionatit me 20 fitore dhe 21 humbje, të udhëhequr nga finlandezi, shkruan SuperSport.
Ndeshja që po bëhej e vështirë për Utah në periodën e 3-të, u adresua nga një rezultat i pjesshëm 10-0 që i lejoi miqve të rimerrnin avantazhin për të mos e dorëzuar më. Përtej 49 pikëve të Markkkanen, erdhën edhe nga 19 pikë nga Clarkson dhe Beasley për Jazz. Houstonit që mbetet në vendin e fundit në Perëndim, nuk i mjaftuan 23 pikët e Porter dhe 20 nga Alperen Sengun.
