Sot shënohen 19 vjet nga tragjedia e 9 janarit të vitit 2004, ku 28 shqiptarë u mbytën në ujërat e detit Jon.
Kryesisht ishin të rinj të qarkut Shkodër, të moshave nga 15 deri në 33 vjeç, që u nisën nga Vlora drejt Italisë me skaf.
Ata i dhanë nga 1.500 euro skafistëve me shpresën se bregu tjetër do t’u rregullonte jetën, por shumica e tyre nuk e dinin se po paguanin vdekjen.
18 burra dhe 3 gra u gjenden të pajetë mëngjesin e 10 janarit nga një helikopter i NATO-s së ushtrisë italiane, shkruan Euronews Albania.
8 persona rezultojnë të zhdukur, 11 të tjerët mundën të shpëtonin, mes tyre edhe skafistët.
