Presidentja e Kosovës, Vjosa Osmani ka uruar qytetarët për Krishtlindjet Ortodokse, përcjell InLajmi.
Osmani tha se festat sikurse Krishtlindja janë në funksion të dashurisë dhe solidaritetit ndërmjet njerëzve, duke e cekur edhe tolerancën si vlerë tradicionale të shoqërisë sonë dhe se mbështetja besimi dhe shpresa nuk duhet munguar asnjëherë ndaj njëri-tjetrit.
Ajo ka uruar Krishtlindjen Ortodokse duke shpresuar për lumturi, shëndet dhe begati.
Dashuria paqja dhe harmonia mbushtë zemrat dhe shtëpitë tuaja, shtoi Osmani.
Postimi i plotë i saj:
Të nderuar qytetarë të komunitetit ortodoksë,
Dua t`ju shpreh urimet e mia më të ngrohta për të gjithë ju që e kremtoni Krishtlindjen ortodokse.
Dashuria, paqja dhe harmonia mbushtë zemrat dhe shtëpitë tuaja.
Festat sikurse Krishtlindja janë në funksion të dashurisë dhe solidaritetit ndërmjet njerëzve.
Toleranca është vlerë tradicionale e shoqërisë sonë, ndaj jo vetëm në këtë ditë duhet ta mbështesim njëri-tjetrit dhe në të njëjtën kohë të kemi më shumë shpresë, besim e kurajo.
Lumturia, shëndeti e begatia qofshin gjithmonë me ju!
Gëzuar Krishtlindjen Ortodokse!/InLajmi/
