Pjesës dërrmuese të Alpeve duket se i mungon dëbora për pjesën e mbetur të vitit. Dimri i pazakontë në malet e Evropës qendrore është kthyer në dhimbje koke për operatorët e resorteve me ski. Në Zvicër, ajo çfarë ka mbetur nga shtresa e bardhë nuk mjafton.
Sipërfaqe të tëra bari të tharë janë një kontrast i theksuar me motin e akullt që ka përfshirë disa pjesë të Shteteve të Bashkuara.
Në një brez tokësor nga Franca në Rumani, shumë pjesë të Evropës po përjetojnë një mot të ngrohtë, që ka prishur planet e shumë turistëve që ëndërronin dëborën gjatë këtij sezoni pushimesh, por që kanë hasur temperatura të ngjashme me muajin maj, transmeton Euronews.al.
Por skiatorët nuk janë tipa që dorëzohen. Meteorologët thonë se moti i ftohtë po afron.
