Nënkryetarja e Partisë Demokratike të Kosovës, Vlora Çitaku, këtë të enjte i kërkoi llogari kryeministrit Kurti për dialogun me Serbinë, përcjell InLajmi.
Pas deklaratës së Çitakut nuk kaloi shumë kohë dhe erdhi edhe reagimi i deputetit të Lëvizjes Vetëvendosje, Artan Abrashi.
Abrashi tha se kjo e fundit duhet të sqarojë se “si qenka katandisur procesi deri në atë pikë sa aleatët tanë po thonë tani që nuk është koha për njohje reciproke”?
Reagimi i plotë i tij:
Një pyetje për Vlora Çitakun, meqë është shumë e dijshme dhe profesionale: a na sqaron ajo se si u katandisë Kosova që 3 vjet pas vendimit të Gjykatës Ndërkombëtare të Drejtësisë u pajtua për të nënshkruar marrëveshjen për Zajednicë, dhe se si 20 vjet pas luftës dhe 11-12 vjet pas shpalljes së pavarësisë, ajo vet u angazhua për ndarjen e Kosovës? /InLajmi/
