Drejtori i Institutit për Afirmimin e Marrëdhënieve Ndëretnike, Fatmir Sheholli ka thënë se kryeministri, Kurti e ka zhgënjyer në aspektin e qeverisjes.
Sheholli deklaroi se Kurti më para e dërgon vendin në zgjedhje sesa që pranon Zajednicen.
“Në aspektin e qeverisjes më ka zhgënjyer totalisht dhe unë besoj që Kurti është hy në gërshërët që tash kur ka ardhur në fuqi ka ardhur me këtë premizë që ‘jo Zajednicë’ edhe tash kur e ka para vetes nuk e dinë çfarë të bëjë”, ka thënë Sheholli.
“Unë besoj që ai më parë do të na çojë në zgjedhje se që e pranon atë Zajednicën”, shtoi ai.
Tutje, Sheholli theksoi se kryeministri i Kosovës, Albin Kurti i ka fituar 51% për të zgjidhur çështje, e sipas tij, jo për “me u kajtë”, shkruan Teve1.
“Nuk i ka fituar 51% për me ardhë e me u kajt te na, po i ka fituar 51% me zgjedh çështje, dhe këtë po e dojn amerikanët, nuk mundesh me ik në këtë çështje, mundet me na qu në zgjedhje dhe ta shohim mundësitë e tjera”,
u shpreh ai.
