Kryetari i Komunës së Podujevës, Shpejtim Bulliqi, ka thënë se Komuna e Podujevës ka një bashkëpunim shumë të mirë me Qeverinë e Kosovës. Ai ka treguar punët që i ka realizuar përgjatë vitit 2022, dhe i ka shpalosur planet për vitin 2023.
Kryetari i Komunës së Podujevës, Shpejtim Bulliqi, në një intervistë për Portalin Dukagjini, ka folur për planet që i ka për vitin 2023 dhe për arritjet e ngecjet e kësaj komune në vitin që lamë pas.
Bulliqi ka thënë se Komuna e Podujevës ka pasur një bashkëpunimi të shkëlqyer me Ministritë e linjës së Qeverisë Kurti 2.
Më tej, Bulliqi ka theksuar se pas shumë ngecjeve në magjistralen Prishtinë-Podujevë, si pasojë e shpronësimit, tani ky projekt ka marrë kahjen e duhur.
“Viti 2023 do të jetë viti i ndërtimit të Zonës Industriale, pra komuna do të krijojë një hapësirë të përbashkët për zhvillimin e veprimtarive biznesore, ku përmes ndërtimit të zonës, presim që të shtohen investitorët vendorë dhe të huaj”, ka deklaruar Bulliqi.
Ndërkohë, ai ka thënë se përveç ndërtimit të infrastrukturës rrugore dhe ndërtimit të shkollave, për të e rëndësishëm ka qenë edhe bujqësia, e cila do të jetë prioritet edhe në vitin 2023.
