Federata Shqiptare e Futbollit njoftoi zyrtarisht këtë të hënë se ka arritur marrëveshje me trajnerin Sylvinho Mendes Campos Junior për të marrë drejtimin e Kombëtares së Shqipërisë.
Sylvinho do të zëvendësojë në këtë detyrë Edoardo Rejan, i cili ishte në krye të kuqezinjve për 3 vite e gjysmë.
Braziliani, i njohur si Sylvinho, ka përzgjedhur si ndihmës të tij argjentinasin, Pablo Zabaletan, dhe brazilianin Doriva, shkruan Gazeta Express.
Më datë 9 janar, Sylvinho dhe stafi i tij do të jenë në Tiranë për të hedhur firmat në kontratë dhe më pas për të bërë prezantimin e tyre në ora 11:00 në sallën e stadiumit “Air Albania”.
