Presidenti i FIFA-s, Gianni Infantino dëshiron që çdo shtet të ketë një stadium me emrin e Peles, për të nderuar legjendën e Brazilit që vdiq në moshën 82-vjeçare javën e kaluar.
Infantino e bëri këtë propozim teksa fliste me gazetarët televizivë në shtëpinë e klubit të futbollit Santos në Brazil, ku një memorial për Pelen filloi të hënën.
Më shumë se 5 mijë media botërore janë mbledhur në stadiumin “Vila Belmiro”, si dhe figura të tilla si presidenti brazilian i sapo betuar Luiz Inacio Lula da Silva, zëvendës-presidenti Geraldo Alckmin dhe Infantino.
“Ne gjithashtu do të kërkojmë nga çdo vend në botë që të emërojë një nga stadiumet e tyre të futbollit me emrin e Peles”, tha Infantino.
Pele u lind në vitin 1940 në qytetin e vogël të fshatit Tres Coracoes, por u transferua në Santos në vitin 1956 dhe jetoi atje për pjesën më të madhe të jetës së tij, shkruan Klan Kosova.
Trupi i Pele mbërriti nën fishekzjarre në Santos një qytet me rreth 430,000 banorë në orët e para të së hënës nga spitali Albert Einstein i Sao Paulos.
