Kryesuesi i Këshillit Prokurorial të Kosovës, Jetish Maloku ka komentuar lirimin me arrest shtëpiak të ish-policit Dejan Pantiq, raporton InLajmi.
Zyrtarë nga Qeveria e Kosovës kanë fajësuar vazhdimisht Prokurorinë Themelore të Kosovës dhe Gjykatën për vendimin për Pantiq.
Ndërkaq kryesuesi i Këshillit Prokurorial thotë se nuk është përgjegjës prokuroria që Pantiq nuk u arrit të transferohej në Prishtinë, pas kërkesës së prokurorit të rastit.
Tutje Maloku e vlerëson si shqetësuesi situatën kur duhet të ndërhyjë pushteti.
Në aspektin e mosarritjes së të dyshuarit, nuk mendojmë se është përgjegjës Prokuroria. Janë institucionet përkatëse që duhet ta sigurojnë personin në fjalë. Duhet t’i pyetni të tjerët. Sa i përket reagimeve, ju e keni pranuar reagimin tonë. Aty kemi shprehur shqetësimin dhe çfarëdo ndërhyrje nga pushteti apo nga përfaqësuesit e pushtetit, qoftë në KPK apo KGJK. S’do t’i shtoja asgjë tjetër atij reagimi. Ka qenë dhe është shqetësim çfarëdo ndërhyrje që del nga goja e pushtetit”. /InLajmi/
