Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka lavdëruar kryeministrin e Kosovës, Albin Kurti e presidentin e Serbisë, Aleksandër Vuçiq, se vepruan mirë për heqjen e barrikadave në veri të Kosovës, përcjell InLajmi.
Borrel tha se diplomacia ka mbizotëruar në de-eskalimin e tensioneve në veri të Kosovës, dhe se dhuna kurrë nuk mund të jetë zgjidhje.
Ai gjithashtu tha se është falënderues për punën ekipore në mes BE-së, SHBA-së dhe NATO-s e cila ishte e shkëlqyeshme dhe se duhet përparim urgjent në dialog.
Postimi i plotë i tij:
Diplomacia mbizotëroi në de-eskalimin e tensioneve në veri të Kosovës. Dhuna kurrë nuk mund të jetë zgjidhje. Unë mirëpres lidershipin e arsyeshëm të presidentit Vuçiq e kryeministrit Kurti. Një punë ekipore e shkëlqyeshme BE-ShBA-NATO. Faleminderit të gjithë të përfshirëve. Tani na duhet përparim urgjent në dialog./InLajmi/
