Tash e sa ditë ne veriun e Kosovës janë vendosur barrikada e situata është mjaft e tensionuar, e shkak i kësaj situate ka pasur reagime të shumta, përcjell InLajmi.
Në lidhje me këtë situatë reagoi edhe ish-emisari i ShBA-së për dialogun Kosovë-Serbi, Richard Grenell, i cili tha se “deeskalim” nuk është e mjaftueshme, pasi shtoi se kjo është shumë e butë.
Më tej ish-emisari tha që të gjithë serbët e arrestuar që protestonin në mënyrë paqësore duhet të lirohen.
Tutje Grenell tha se forcat speciale në veri duhet të respektojnë nenin 9 të Marrëveshjes së Brukselit dhe në të njëjtën kohë qeveria e Serbisë të kërkojë heqjen e barrierave.
Postimi i plotë i tij:
Thjesht duke thënë “deescalate” nuk është e mjaftueshme, është shumë e butë.
Ne kemi nevojë që lidershipi amerikan të jetë specifik!
Këtu janë specifikat:
Tani që Pantiq është transferuar në arrest shtëpiak…
Të gjithë serbët e arrestuar që protestonin në mënyrë paqësore duhet të lirohen, forcat speciale në veri duhet të respektojnë nenin 9 të Marrëveshjes së Brukselit dhe në të njëjtën kohë qeveria e Serbisë të kërkojë heqjen e barrierave. /InLajmi/
