Drejtuesi i Institutit për Afirmimin e Marrëdhënieve Ndëretnike, Fatmir Sheholli ka thënë se njerëzit prapa barrikadave, janë mercenarë të paguar nga Serbia.
Duke folur në emisionin DPT te Fidani, ai ka thënë vendosësit e barrikadave janë njerëz të BIA-s serbe.
“Ata janë njerëz të BIA-s serbe, që kryejnë punë për shërbimet e inteligjencës serbe. Ata janë mercenarë, paguhen, disa janë pjesë e veriut, disa kanë hyrë aty, kanë ardhur”, ka deklaruar ai.
Sheholli ka deklaruar se organet e sigurisë së Kosovës i dinë mirë rrethanat dhe personat që qëndrojnë prapa barrikadave.
Sipas tij, ka serbë lokal në veri të Kosovës, që janë totalisht të pakënaqur me barrikadat.
“Edhe atyre u pengojnë”, ka theksuar ai, shkruan Gazeta Express.
“Vuciq është duke bërë presion me veprimet e tij dhe fatkeqësisht dialogu nga Brukseli ka zbritur në Zubin Potok”, ka thënë ai.
