Gjendja në veriun e Kosovës vazhdon të mbetet e tensionuar edhe për faktin se mbrëmë serbët lokal shtuan edhe një barrikadë, por kësaj radhe në territorin serb konkretisht në Kushumli, përcjell InLajmi.
E me këtë rast, deputeti i LDK-së, Abdullah Hoti ka paraqitur 4 pikat se si të dal Kosova nga situata e fundit.
Hoti në njërën nga pikat kërkon që të ruhet paqja fuqishëm.
Postimi i plotë i tij:
Veprimet që nxjerrin Kosovën nga kjo kurthë e Serbisë:
1. Hiqni barrikadat në veri në bashkëpunim me KFOR-in. I keni lënë të zënë vend tepër gjatë.
2. Kërkoni me ngulm nga BE-ja dhe SHBA-ja të bëjnë presion tek Serbia të mos pengohen dhe të mos rrezikohen qytetarët tanë që kalojnë nëpër Serbi.
3. Ruajeni paqen fuqishëm. Tregoni gatishmëri për dialog dhe zgjidhje paqësore. Dëgjoni këshillat e miqve për veprimet që duhet ndërmarrë në kuadër të dialogut.
4. Mos përmendni luftë e konflikte. Luftën e kemi paguar shtrenjtë, por e kemi fituar me ndihmën e miqve. Rreziku është të humbim në paqe për shkak të humbjes së mbështetjes nga miqtë tanë./InLajmi/
