Të paktën 14 persona janë vrarë dhe 24 të tjerë janë plagosur, pasi një automjet ka përplasur publikun që ishte duke ndjekur një karnaval popullor në qytetin jugor të Nigerisë, transmeton InLajmi.
Dëshmitarët okularë thanë se drejtuesi i mjetit e ka humbur kontrollin e makinës nga shpejtësia. Fotografitë e shpërndara në internet menjëherë pas incidentit tregojnë trupa të shpërndarë nëpër rrugë.
Karnavali vjetor njëmujor, i cili përmban disa ngjarje, është bërë një tërheqje e madhe që kur u lançua në 2004. I quajtur festa më e madhe në rrugë e Afrikës, ai tërheq turistë vendas dhe të huaj gjatë gjithë dhjetorit, shkruan BBC.
Incidenti ndodhi gjatë paradës popullore të motoçiklistëve në një nga rrugët kryesore të karnavaleve, e cila ishte e mbyllur për trafikun e automjeteve. /InLajmi/
