Pas vendosjës së një Barrikade afër pikës kufitare në Merdare, Ministria e Punëve të Jashtme dhe Diasporës ka dalur me një njoftim të rëndësishëm për të gjithë ata që janë duke udhëtuar drejt Kosovës, përcjell InLajmi.
Në këtë njoftim thuhet se grupet kriminale serbe kanë bllokuar pikën kufitare në Merdarë, duke e pamundësuar lëvizjen në këtë pikë.
Ministria e punëve të Jashtme dhe Diasporës u ka bërë thirrje bashkatdhetarëve dhe qytetarëve që janë në lëvizje të përdorin pika të tjera kufitare.
Njoftimi i plotë nga Ministria e Punëve të Jashtme dhe Diasporës:
INFORMACION I RËNDËSISHËM PËR TË GJITHË ATA QË JANË DUKE UDHËTUAR DREJT Kosovës
Grupet kriminale serbe kanë bllokuar pikën kufitare në Merdarë
Njoftohen të gjithë bashkatdhetarët dhe qytetarët që janë në lëvizje të shfrytëzojnë pika të tjera kufitare për qarkullim deri në një informim tjetër zyrtar nga ana e institucioneve të Republikës së Kosovës.
Nëse keni hyrë tashmë në Serbi, atëherë ju lutemi t’i përdorni pikat kufitare ne Mutivodë, Dheu i Bardhë ose të merrni rrugë përmes Maqedonisë së Veriut (pikë-kalimi kufitar i Preshevës) përmes Shkupit.
Duke marrë parasysh faktin që janë në qarkullim shumë lajme të rreme, të cilat synojnë përhapjen e frikës, ju lutemi të ndiqni @Kosovo_Police rreth përditësimeve më të fundit zyrtare në këtë drejtim./InLajmi/
