Të gjithë personat për të cilët dyshohej se u zhdukën pas një orteku të dielën pranë fshatrave malore Lech dhe Zurs në Austri janë gjetur të gjallë, transmeton InLajmi.
4 nga personat janë lënduar dhe thuhet së janë në gjendje të rëndë shëndetësore.
Në zonat ku u shëmbë orteku i borës pritet që pastrimi i hapësirave të bëhet gjatë ditës së hënë.
Punonjësit e shpëtimit fillimisht kishin frikë se 10 persona ishin zhdukur në ortek, bazuar në një video të xhiruar nga një skiator pak para se të ndodhte orteku, shkruan CNN.
Videoja shfaqte rreth 10 skiatorë në rrugën e ortekut, por përfundoi përpara se të tregonte se çfarë ndodhi me skiatorët, tha Hermann Fercher nga Lech/Zürs-Tourismus.
