Ministri i Mjedisit dhe Planifikimit Hapësinor, Liburn Aliu, të hënën ka njoftuar se ka vazhduar asfaltimi i disa rrugëve në veri të vendit, përcjell InLajmi.
Aliu tha se ka përfunduar asfaltimi i rrugës në Maxherë në veri të Kosovës dhe se këto rrugë do të shkurtojnë lëvizjen e gjithë banorëve në veçanti të fshatrave duke i’u mundësuar qasje më të lehtë dhe më të shpejtë në komunën e Mitrovicës.
Ai gjithashtu shtoi se përkushtimi dhe angazhimi për një jetesë më të mirë per qytetarët është parësore jo vetëm në veri por në të gjithë Kosovën.
Postimi i plotë i tij:
Tani ka përfunduar edhe asfaltimi i rrugës në Maxherë, në veri të Republikës së Kosovës.
Si rezultat i bashkëpunimit të ngushtë në mes të Ministrisë së Mjedisit, Planifikimit Hapësinor dhe Infrastrukturës dhe Ministrisë së Punëve të Brendshme, kemi bërë asfaltimin e rrugëve në veri të vendit, e që si rezultat këto rrugë do të shkurtojnë lëvizjen e të gjithë banorëve, në veçanti në fshatra, që përmes këtyre ndërlidhjeve rrugore të rëndësishme, do të kenë qasje më të shpejtë dhe më të lehtë në komunën e Mitrovicës.
Mbesim të përkushtuar në angazhimin tonë të përditshëm për një jetesë më të mirë për të gjithë qytetarët, dhe jemi maksimalisht të angazhuar që të vazhdojmë asfaltimet e rrugëve në çdo cep të Kosovës./InLajmi/
