Kisha Ortodokse Serbe thotë se Kosova ia ka ndaluar patriarkut Porfirije vizitën në Patriarkanën e Pejës para Krishtlindjeve.
Me vlerësimin se është një “vendim jashtëzakonisht diskriminues”, patriarku serb u bëri thirrje institucioneve të Kosovës që “të ndalojnë së shkelurit e të drejtave të njeriut dhe lirive fetare të serbëve ortodoksë”, shkruan Indeks Online.
“Patriarku Porfirije nuk heq dorë nga synimi i tij për të kryer shërbimin hyjnor në Patriarkanën e Pejës dhe pret që ky vendim tejet diskriminues të anulohet”, njoftoi zyra e tij.
