Lideri i Partisë Demokratike të Kosovës, Memli Kraniqi tha se këtë të dielë ishte për vizitë të familja Demaj, me rastin e festës së Krishtilindjes, ku shprehi urimet më të përzemërta për këtë festë të rëndësishme të besimtarëve të krishterë, përcjell InLajmi.
Krasniqi tha se festa e Krishtlindjes është festë e paqes, dashurisë dhe mirëbesimit.
Më tej ai deklaroi se harmonia ndërfetare e popullit tonë është vlerë kulminante që duhet ta ruajmë e ta kemi përherë të pranishme mes nesh.
Postimi i plotë i tij pa ndërhyrje:
Sot isha për vizitë në Stubëll të Vitisë, te familja e nderuar Demaj, me rastin e festës së Krishtilindjes, ku shpreha urimet më të përzemërta për këtë festë të rëndësishme të besimtarëve të krishterë.
Festa e Krishtlindjes është festë e paqes, dashurisë dhe mirëbesimit. Këto virtyte reflektonin në mikpritjen e ngrohtë të kryefamiljarëve Franit dhe Gaspërit dhe tërë familjes së tyre mikpritëse, me të cilët kaluam një pasdite mbresëlënëse.
Harmonia ndërfetare e popullit tonë është vlerë kulminante që duhet ta ruajmë e ta kemi përherë të pranishme mes nesh.
Gëzuar e për shumë mot Krishtlindjen! /Inlajmi/
