Kryeministri i Kosovës, Albin Kurti, me rastin e Krishtlindjeve ka uruar të gjithë krishterët duke cituar edhe një thënie të Jezu Krishtit, përcjell InLajmi.
Kurti ka filluar urimin e tij me fjalët si : Bëjuni të tjerëve siç do të dëshironit që ata të bënin me ju, duke e cilësuar si frazë të pavdekshme.
Ai gjithashtu tha se në një kohë konflikti dhe pabarazie duhet ta kemi guximin të kërkojmë paqen dhe drejtësinë brenda dhe jashtë vendit.
Postimi i plotë i tij:
Bëjuni të tjerëve ashtu siç do të dëshironit që ata të bënin me ju“, ky urdhër është i pavdekshëm.Sot, ndërsa të krishterët në mbarë botën festojnë lindjen e Jezusit, le të mos harrojmë kurrë urdhërimin e tij të pavdekshëm. Në një kohë konflikti dhe pabarazie, le të kemi guximin të kërkojmë paqen dhe të përpiqemi për drejtësi, brenda dhe jashtë vendit./InLajmi/
