Ministri i Mbrojtjes Armend Mehaj, ka uruar Krishtlindjet për të gjithë besimtarët e krishterë, përcjell InLajmi.
Mehaj thotë se Krishtlindjet janë mishërimi i shpresës, gëzimit dhe inkurajimit për më të mirën.
Tutje, ai shton se Krishtlindjet do të jenë gjithmonë për aq kohë sa ne qëndrojmë zemër më zemër dhe dorë për dorë, si vëllezër e motra të një gjaku sepse shqiptarinë e kemi bashkë.
Gjithashtu ai këtë fest ua ka uruar ushtarëve dhe zyrtarëve të ministrive si dhe vendeve partnere të besimit të krishterë.
Postimi i plotë i tij:
Vëllezër e motra, bashkëkombës e bashkëqytetarë të besimit të krishterë,
Krishtlindjet janë mishërimi i shpresës, gëzimit dhe inkurajimit për më të mirën.
Pas rrugëtimit të përbashkët që nga krishtlindjet e kaluara, është momenti i veçantë për reflektim, mirënjohje dhe falënderim për gjitha të mirat që kemi për dhe me njëri-tjetrin.
Krishtlindjet do të jenë gjithmonë për aq kohë sa ne qëndrojmë zemër më zemër dhe dorë për dorë, si vëllezër e motra të një gjaku sepse shqiptarinë e kemi bashkë.
Urim të veçantë edhe për gjithë ushtarakët dhe zyrtarët e ministrive dhe ushtarakët e forcave të vendeve partnere të besimit të krishterë bashkë me urimin për djemtë dhe vashat tona që janë në shërbim diplomatik, operacione, shkollime e trajnime jashtë vendit.
Në këtë ditë feste, urimet bashkë me mirënjohjen dhe vlerësimin e veçantë u dërgoj policëve tanë, heronjve dhe gardianëve të sigurisë së qytetarëve pa dallim dhe Republikës sonë.
Bekime të Zotit e mbarësi paqi gjithmonë bashkë me falënderimin dhe respektin e thellë për familjet tuaja dhe sakrificën në misionin tuaj për ne.
Gëzuar Krishtlindjet e paqja mbretëroftë gjithmonë në familjet dhe zemrat e juaja! /InLajmi/
