Prokuroria Themelore në Pejë ndau mirënjohje për aktoren Kaltrina Zeneli, pasi ajo publikoi pamje që shfaqnin sulmin që iu bëhej një banorje në shtëpinë e të moshurave, përcjell InLajmi.
Më këtë rast e lumtur u shpreh vet Kaltrina e cila tha se në momentin që ajo e mori këtë ishte e gëzuar, por tani nuk e dinë se a t’i gëzohem kësaj.
Zeneli u shpreh se gëzimin ia zbehi edhe fakti që një mirënjohje e tillë po ndahej për herë të parë nga Prokuroria e Shtetit.
Tutje ajo tregoi që këtë mirënjohje do ia dedikoj personit që ia dërgoi videon.
Postimi i saj i plotë:
Prokuroria Themelore e Pejës ka ndarë mirënjohje për Kaltrina Zenelin pas zbulimit dhe publikimit të pamjeve që shfaqnin sulmin që po i bëhej një banoreje në shtëpinë e pleqve “Orenda” në Pejë.
Zakonisht kur njeriu merr mirënjohje, është i lumtur.
Unë realisht nuk e di se si po ndihem…
Në momentin që e morra isha e gëzuar, por tani nuk e di a t’i gëzohem kësaj mirënjohje.
Ndoshta vepra të cilën e raportova nuk më lejon ta gëzoj njësoj si do i gëzohesha një mirënjohje tjetër, për ndonjë temë tjetër.
Gëzimin ma zbeh edhe fakti që një mirënjohje e tillë po ndahej për herë të parë nga Prokuroria e Shtetit (Pejë).
Jo se do më lumturonte fakti që do duhej të ndahen më shumë mirënjohje të tilla, se për tu ndarë një mirënjohje e tillë do duhej të ndodhte një rast i tillë, e unë uroj me gjithë zemër që këso lloj rastesh të mos përsëriten më kurrë, por do më lumturonte nëse njerëzit do gjenin guximin për të raportuar, sepse e dimë mirë që nuk ishte e nuk ka qenë rast i vetëm në shoqërinë tonë.
Unë vetëm i dhash dritë një zëri i cili sot e asaj dite edhe për mua mbetet anonim.
E uroj që raste të tilla të mos mbeten më anonime, e njerëzit të kenë guxim të dalin hapur dhe të raportojnë.
Këtë mirënjohje ia dedikoj personit që më dërgoi videon.
Unë nuk do hezitoj të jap zë edhe herë tjetër, por uroj që mos të kem nevojë ta bëj më.
Faleminderit e juaja Kaltrinë! /InLajmi/
