Kryetari i Kuvendit të Kosovës, Glauk Konjofca ka njoftuar se së bashku me nënkryetaren Saranda Bogujevci, kanë pritur në një takim fundviti organizatat partnere të Kuvendit, përcjell InLajmi.
Konjufca ka falënderuar organizatat partnere të Kuvendit për bashkëpunimin e ngushtë gjatë gjithë vitit, duke shtuar se Legjislatura Vlll ka arritur konsiderueshëm objektivat ambicioze legjislative, gjithnjë në harmonizim me standardet e BE-së.
Ai gjithashtu shtoi se Kuvendi i Kosovës do të vazhdojë me avancimin e rezultateve dhe përmbushjen e objektivave të parashtruara gjatë vitit në vijim.
Postimi i plotë i tij:
Sot, së bashku me nënkryetaren Saranda Bogujevci, kishim kënaqësinë t’i prisnim në një takim fundviti organizatat partnere të Kuvendit për t’iu shprehur mirënjohje dhe për t’i falënderuar për bashkëpunimin e ngushtë që kemi pasur gjatë këtij viti.
Legjislatura VIII ka arritur konsiderueshëm objektivat ambicioze legjislative, gjithnjë të harmonizuara me standardet e Bashkimit Evropian dhe kriteret e integrimeve euroatlantike.
Të arriturat e deritashme të kësaj legjislature, si dhe përgjithësisht legjislaturave të mëparme, janë pa dyshim meritë edhe e mbështetjes së partnerëve vendorë e ndërkombëtarë të Kuvendit.
Sikur deri më tani, së bashku me partnerët, Kuvendi i Republikës së Kosovës do të vazhdojë t’i avancojë rezultatet dhe t’i përmbush objektivat e parashtruara gjatë vitit në vijim.
Faleminderit!/InLajmi/
