Shuplaka që Will Smith i dha Chris Rock-ut në ceremoninë e Oskarit të vitit të kaluar, duket se do t’i kushtojë karrierën. Edhe pse aktori priste që filmi i tij i ri “Emancipimi” ta ndihmonte të rimëkëmbej në industrinë e filmit dhe dalëngadalë të kthehej në qendër të vëmendjes, duket se po ndodh pikërisht e kundërta.
Shakaja e Rock-it për gruan e Smith, Jada Pinkett, e cila vuan nga alopecia areata, në skenën e Oscars e shtyu yllin e Hollivudit të ngrihej nga vendi dhe të godiste me shuplakë humoristin para publikut.
Një vit më vonë, ai ende po përballet me pasojat e veprimeve të tij. Edhe pse ai e konsideron filmin e tij të ri një “kryevepër” të vërtetë, audienca dhe kritika duket se nuk ndajnë të njëjtin mendim.
Fitimet e filmit në arkat botërore janë zhgënjyese. Prodhimi ka kushtuar 120 milionë dollarë dhe deri më tani arkëtimet arrijnë në 3000 dollarë. Sigurisht që nuk ka asnjë mundësi që filmi të jetë i nominuar për Golden Globes, shkruan Abc.News.
I njëjti botim thotë se Will Smith është vërtet i zhgënjyer dhe i trishtuar kur sheh se çfarë ka arritur po i shembet.
Një burim i afërt me aktorin tha për Radar Online : “Will e di se rruga drejt rimëkëmbjes është e gjatë dhe shumë njerëz nuk do ta falin atë. Por kjo është ajo që e bën atë të dëshirojë të kthehet”.
