Partia Social Demokrate ka kundërshtuar vendimin e Gjykatës Speciale pas vendimit të saj për dënimin e ish-komandantit të UÇK-së, Salih Mustafa, përcjell InLajmi.
Sipas kësaj partie vendimet e Gjykatës Speciale janë të padrejta dhe prandaj ato nuk mund të shqiptohen në emrin tonë.
Tutje PSD gjatë aksionit simbolit përballë zyrave të Eulex-it në Kosovë tha se deklarimi për vendimin ndaj Salih Mustafës i parapriu shpjegimi politik; shprehjes “në emër të popullit” mirëpo sipas tyre ky deklarim synonte diçka tjetër.
Postimi i plotë i tyre:
Vendimet e Gjykatës Speciale janë të padrejta. Prandaj ato nuk mund të shqiptohen në emrin tonë.
Deklarimit të vendimit ndaj z. Salih Mustafa i parapriu shpjegimi politik; shprehjes “në emër të popullit” iu dha sqarim nga Gjykata; mandati i saj, thoshte sqarimi, vjen nga Kuvendi i Kosovës. Prandaj dhe vendimet e kësaj gjykate rrjedhin nga populli i Kosovës.
Por, përtej të qenurit sqarues, ky deklarim politik synonte diçka tjetër. Dhomat e Specializuara dëshirojnë legjitimim përtej atij formal-jurdik sepse vendimet e kësaj gjykate nuk kanë legjitimitet te populli i Kosovës. E si të kenë teksa përbrenda ligjit, që s’frymon me konventa ndërkombëtare të drejtësisë, i hapet rruga gjykimit një-etnik e me qëllim përfundimtar tjetërsimin e luftës çlirimtare në një konflikt interesash të ngushta vetanake.
Të shtunën, ora 14:00, në sheshin “Zahir Pajaziti”, protesojmë kundër vendimeve të padrejta të Gjykatës Speciale.
/InLajmi/
