Kreu i Sindikatës së Bashkuar të Arsimit, Shkencës dhe Kulturës, Rrahman Jasharaj po pret me padurim ditën e enjte pasi në Kuvendin e Kosovës do të shqyrtohet në lexim të 2-të Ligji i Pagave, shkruan InLajmi.
Jasharaj ka uruar që dita e nesërme Kuvendi të miratoi Ligjin e Pagave ashtu siç kanë kërkuar sindikalistët e Kosovës ata kanë kërkuar.
Kryetari i SBASHK-ut, Rrahman Jasharaj në një deklaratë për Gazetën InLajmi, tha se shpresat janë që deputetët e pozitës dhe opozitës ta përkrahin Ligjin e Pagave.
Ndër të tjera Jasharaj ngelet me shpresën që nesër do të bëhet publike edhe vlera e koeficientit.
Jasharaj nuk e përjashton riaktivizimit të grevës së punëtorëve nëse kërkesat e tyre do të mbesin jashtë Ligjit për Pagat.
Kreu i sindikatës së arsimit thotë për InLajmin se Ligji i Pagave ka qenë “mollë sherri” mes sindikatave dhe qeverisjes edhe në kohën kur shef i ekzekutivit ishte Ramush Haradinaj
“Nga ajo qe kemi parë dhe nga informatat që kemi është positive sepse të 2 palët janë për një ligj të mirë ku edhe shumica e kërkesave tona janë përfillur. Kësaj radhe shpresat i kemi të mëdha ndërsa nesër parlamenti do ta këtë në rend dite leximin e 2-të Ligjin e Pagave. Shpresoj që deputet e opozitës dhe pozitës të jenë në të njëjtën linjë për këtë ligj, pasi janë deklaruar se do të na përkrahin, presim që nesër të bëhet i ditur koeficenti dhe uroj që do të dihet vlera e koeficentit, dhe në janar nuk do të kemi nevojë të merren veprime sindikale. Uroj që pas 20 vitesh ta kemi Lligjin e Pagave pasi gjithmonë ky ligj i ka komplikuar situatat, njësoj edhe në kohën e ish-kryeministrit Ramush Haradinajt, që ishte mollë sherri”, tha Jasharaj./InLajmi/
