Pamja e re e kartëmonedhave me imazhin e mbretit Charles është zbuluar nga Banka e Anglisë, transmeton InLajmi.
Portreti do të jetë i vetmi ndryshim në modelet ekzistuese të kartëmonedhave 5, 10, 20 dhe 50 paund, të cilat do të hyjnë në qarkullim nga mesi i vitit 2024.
Rikujtojmë, se mbretëresha Elizabeth ishte monarkja e parë dhe e vetme që u shfaq në kartëmonedhat qarkulluese të Bankës së Anglisë, duke filluar nga viti 1960.
Aktualisht janë në qarkullim rreth 4.5 miliardë kartëmonedha individuale të Bankës së Anglisë me vlerë rreth 80 miliardë paund, shkruan BBC.
Banka e Anglisë tha se, pas udhëzimeve nga familja mbretërore, kartëmonedhat e reja do të printohen për të zëvendësuar kartëmonedhat dhe për të përmbushur kërkesën në rritje. /InLajmi/
