Sigal Prishtina ka regjistruar fitoren e parë në Ligën ENBL, pas 2 humbjeve në këtë garë.
Bardhekaltrit si mysafirë kanë mundur Zielona Gora me rezultat 75:89 (22:16, 16:19, 20:23, 17:28).U
Vendasit e nisën më mirë ndeshjen, duke pasur epërsi prej 9 pikësh 16:7, ndërsa çerekun e parë e fituan 22:16.
Periudha e 2-të ishte më e barabartë, ku prishtinasit në fund ngushtojnë shifrat në 38:35, rezultat me të cilin skuadrat shkuan në pushim.
Edhe perioda e 3-të ishte tërësisht e barabartë, ku asnjëra skuadër nuk arrinte shkëputjen, ndërsa kjo pjesë përfundoi me një 3-she nga Dardan Berisha për 58:61.
Megjithatë, në 10 minutat e fundit dhe vendimtare, kryeqytetasit shkëlqyen dhe triumfuan 75:89. Berisha e mbylli ndeshjen me 28 pikë, shkruan Telegrafi.
Të 2 skuadrat kanë nga një fitore e 2 humbje. Ndeshjen e ardhshme Sigal Prishtina e zhvillon nesër (e mërkurë) nga ora 18:30 ndaj Polski Cukier Start Lublin.
