Kolona të gjata janë krijuar nga kamionët në kufirin Maqedoni-Kosovë.
Shoferët e kamionëve të cilët po presin të hyjnë në Kosovë, kanë thënë se pritjet janë 4-5orë.
Ata kanë fajësuar doganierët të cilët po e neglizhojnë punën dhe po e vonojnë procesin.
“Po presim deri 4-5 orë. Doganierët në kufirin në Kosovë nuk po punojnë, po e neglizhojnë punën. Po pësojmë ne sepse janë krijuar kolona të gjata”, ka thënë një shofer në kushte anonimiteti për Front Online.
Shoferët thonë se nuk është hera e parë që doganierët e prolongojnë punën dhe krijojnë situata të ngjashme, ku orët e pritjes janë të gjata në kufi.
