Ministri i Mbrojtjes, Armend Mehaj, gjatë raportimit para Komisionit për Siguri në Kuvendin e Kosovës, theksoi se syinimi i Qeverisë së Kosovës është anëtarësimi në NATO, raporton InLajmi.
“Synimi jonë është anëtarësimi në NATO. Ushtarët tanë po marrin pjesë në ushtrime ndërkombëtare krah ushtrive të ndryshme ndërkombëtare. Jemi në përgatitje të ‘Defender 23’, si nikoqir për herë të 2-të ku Ushtria e Kosovës do të marrë pjesë më 1.350 ushtarë”.
Mehaj tha se vetëm gjatë këtij viti janë trajnuar rreth 2.047 ushtarë jashtë vendit.
“Sa i përket ngritjes së kapaciteteve profesionale ushtarët ndjekin studime në akademitë më prestigjioze në botë si në SHBA, Gjermani, Kroaci, Mbretëri të Bashkuar, Turqi dhe më gjerë. Gjatë këtij viti janë trajnuar rreth 2.047 ushtarakë jashtë vendit. Krahas kësaj është investuar edhe ngritjen e kapaciteteve operacionale me blerjen e pajisjeve ushtarake”. /InLajmi/
