Kryeministri Albin Kurti mori pjesë në pritjen e fundvitit të organizuar nga Ambasada e Sllovenisë, ku tha se historikisht, marrëdhëniet bilaterale ndërmjet Kosovës dhe Sllovenisë, ndërmjet 2 vendeve dhe 2 popujve tanë kanë qenë dhe vazhdojnë të jenë shumë të mira dhe po forcohen dita-ditës, përcjell InLajmi.
Kurti shtoi se të 2 shtetet kanë ngjashmëri në histori, një histori ku Sllovenia qëndroi fort me popullin e Kosovës duke qenë një mik dhe mbështetës i besueshëm.
Ai theksoi se sa i përket marrëdhënieve ekonomike dhe tregtare me Slloveninë, pa dyshim Sllovenia mbetet një partner shumë i rëndësishëm për Kosovën. Gjatë viteve të fundit, shkëmbimet tregtare ndërmjet Kosovës dhe Sllovenisë kanë treguar trende të rritjes së vazhdueshme. /InLajmi/
