Pas protestës e cila u organizua ditën e diele nga serbet në pikën kufitare në Jarinjë reagoi Ministri i Punëve të Brendshme Xhelal Sveçla, përcjell InLajmi.
Bislimi deklaroi se të dielën Serbia nuk i ka ndaluar huliganët serbë afër Jarinjës, të cilët sipas tij kanë pasur për qëllim djegien e pikës kufitare atje.
Tutje, ministri theksoi se pamjet e policisë serbe duke ndaluar huliganët serbë për të mos hy në Kosovë ishte vetëm një akt tërheqjeje taktike duke e kuptuar qartë se “skenari” do të dështonte.
Postimi i plotë i tij:
DJE SERBIA NUK I NDALOI HULIGANËT SERBË – AJO U TËRHOQ NGA PLANI PËR DJEGIEN E JARINJËS
Intensiteti i sulmeve hibride të Serbisë dhe Rusisë ndaj Republikës së Kosovës është rritur ndjeshëm.
Grafiku i punuar nga institucionet e sigurisë, që pasqyron vetëm krizën e djeshme në Jarinjë, tregon qartë edhe aktorët e përfshirë dhe autorin e vërtetë, Putinin.
Ka pasur plan ruso-serb, që dje të digjej pika kufitare e Jarinjës.
Ky plan u parandalua nga institucionet e Republikës së Kosovës (veçmas mekanizmat e sigurisë), në bashkëpunim me partnerët perëndimorë (veçmas amerikanët).
Pavarësisht se policia e Serbisë, dje u shfaq duke i ndaluar huliganët që mos ta djegin Jarinjën, ky quhet vetëm një akt tërheqjeje nga ana serbe, duke e parë se një gjë e tillë do t’iu dështonte.
Siç e ka Serbia aleat Rusinë e Kinën, ne e kemi aleat Perëndimin dhe SHBA-në.
Ata përfaqësojnë agresionin, ne përfaqësojmë lirinë! /InLajmi/
