5 persona u qëlluan dhe u vranë në një pallat në periferi të Torontos. I vdekur mbeti edhe autori, i cili u qëllua nga policia.
Ngjarja ndodhi mbrëmjen e djeshme. Shefi i policisë, James MacSween u shpreh:
“Skenë e tmerrshme, 6-të të vdekur. Një prej tyre është autori”
Policia nuk e ka identifikuar ende autorin. Policia tha se nuk kishte asnjë kërcënim të mëtejshëm për komunitetin, raporton AP.
Pas evakuimit, banorët do të kthehen shumë shpejt në banesat e tyre, thanë autoritetet, transmeton Gazeta Express.
Vrasjet masive janë të rralla në Kanada dhe Toronto ka kohë që “krenohet” si një nga qytetet e mëdha më të sigurta në botë.
