Rreth 150 vjet pas përfundimit të skllavërisë në ish-kolonitë e saj, Holanda do të kërkojë zyrtarisht ndjesë për këtë padrejtësi.
Këtë të hënë pasdite, kryeministri Mark Rutte ka planifikuar të mbajë një fjalim mbi skllavërinë në Arkivin Kombëtar në Hagë.
Përfaqësuesit e kabinetit gjithashtu do të flasin në ish-koloninë holandeze të Surinamit, në Amerikën e Jugut si dhe në gjashtë ishujt e Karaibeve që i përkasin ende mbretërisë holandeze.
Holanda dikur ishte fuqia e tretë koloniale më e madhe në botë dhe skllavëroi rreth 500 000 njerëz gjatë 200 viteve.
Ata u rrëmbyen kryesisht nga Afrika Perëndimore, u shitën dhe u detyruan të punonin në plantacionet në Surinam dhe Antile.
Mbretëria holandeze ishte një nga vendet e fundit në Evropë që shfuqizoi zyrtarisht skllavërinë më 1 korrik 1863, transmeton KultPlus.
Skllavërisë iu dha fund vetëm në 1873.
