Këshilltari i presidentes së Kosovës, Vjosa Osmani, Blerim Vela reagoi në lidhje me protestën e mbajtur këtë të diele në Jarinjë nga serbët të cilët tentuan të hyjnë në territorin e Kosovës, përmes pikës kufitare të Jarinjës, përcjell InLajmi.
Vela tha se protestuesit që tentojnë ta sulmojnë pikën kufitare në Jarinjë, janë ekstremistët e krahut të djathtë nga Serbia, të lidhur me regjimin e presidentit serb, Aleksandër Vuçiq.
Tutje ai shtoi se këto organizata duhet të dalin jashtë ligjit dhe të ndalohen, pasi sipas tij, janë mjete të destabilizimit të Kosovës dhe rajonit nga Beogradi dhe Moska.
Postimi i plotë i tij:
Ekstremistët e krahut të djathtë nga Serbia, të lidhur me regjimin e Vuçiqit dhe të lidhur me organizatat ruse, sapo u përpoqën të sulmonin pikën kufitare Jarinjë. Këto organizata duhet të dalin jashtë ligjit dhe të ndalohen, pasi janë mjete të destabilizimit të Kosovës dhe rajonit nga Beogradi dhe Moska. /InLajmi/
