Argjentina u shpall fitues e Kupës së Botës këtë të dielë në një ndeshje plotë emocione dhe gola, përcjell InLajmi.
Lidhur me fitoren e kombëtarës së Argjentinës ka reaguar deputeti nga radhët e Lëvizjes Vetëvendosje, Haki Abazi i cili e cilësoi këtë finale si lojë e artë.
Abazi tha se kjo është fitore e merituar e Argjentinës, pasi sipas tij ky ekip bëri lojë të bukur, aksione dhe dinamikë gjatë gjithë kohës dhe me strategji të detajuar.
Tutje ai shtoi se kjo është një përmbyllje meritore e një kampionati dhe se Argjentina derdhi shumë më shumë djersë dhe mbizotroi strategjia ekipore kundrejt taktikave individuale.
Postimi i plotë i tij:
Loja e artit të futbollit të vërtetë sonte, në finalen e madhe! Fitore e merituar e ekipit të Argjentinës, që bëri lojë të bukur, aksione dhe dinamikë gjatë gjithë kohës dhe me strategji të detajuar. Asnjëri nga lojtarët nuk priste Messin, të gjithë luajtën si Messi dhe Messi luajti si një nga të 11-tët dhe bënë mrekullinë duke mbajtur qëndrueshmërinë fizike, koncentrimin psiqik dhe një moral ekipor i pazakontë. Sonte u dëshmua që portieri është i barasvlefshëm me më të mirin sulmues.
Sulmi në sulm, mesfusha edhe në sulm edhe në mbrojtje, kombinim fantastik.
Një përmbyllje meritore e një kampionati, finale e vërtetë e dy ekipeve fantastike por Argjentina derdhi shumë më shumë djersë dhe mbizotroi strategjia ekipore kundrejt taktikave individuale!/InLajmi/
